സിനിമയ്ക്കൊപ്പം ഈ ഹൈറേഞ്ചുകാരന്‍.
അഭ്രപാളിയിലെ ഇടുക്കിക്കൊപ്പം ഈ കട്ടപ്പനക്കാരനുമുണ്ട്. സിനിമാ സ്വപ്നങ്ങളെ നെഞ്ചോട് ചേര്‍ത്ത്.
മലയാള സിനിമയുടെ ഇഷ്ട ലൊക്കേഷനായി നമ്മുടെ ഗ്രാമങ്ങള്‍ മാറിയപ്പോള്‍ കാമറയ്ക്ക് മുന്‍പിലും ഒപ്പവുമൊക്കെയായി സിനിമയ്ക്കൊപ്പം സഞ്ചരിക്കുകയാണ് നമ്മുടെ സ്വന്തം കലാകരന്‍ സൂര്യലാല്‍ കട്ടപ്പന. നിരവധി സിനിമകളില്‍ വേഷമിട്ട സൂര്യലാല്‍ ഷോര്‍ട്ട് ഫിലിമുകള്‍, നാടകങ്ങള്‍, പരസ്യ ചിത്രങ്ങള്‍ തുടങ്ങിയവയുമായി സജീവമായി കലാ രംഗത്തുണ്ട്. മാധ്യമ പ്രവര്‍ത്തകനായ ഇദേഹം പരസ്യ, ഷോര്‍ട്ട് ഫിലിമുകള്‍ക്ക് സംവിധാന വേഷവും അണിഞ്ഞിട്ടുണ്ട്. സ്കൂള്‍ വേദികളില്‍ തുടങ്ങിയതാണ് സൂര്യലാലിന് കലയോടുള്ള പ്രണയം.
2001, 2002 വര്‍ഷങ്ങളില്‍ ജില്ലാ തല സ്കൂള്‍ കലോത്സവങ്ങളില്‍ മികച്ച നടനായിഇദേഹം തെരഞ്ഞെടുക്കപെട്ടു. ഒഴിവു ദിവസത്തെ കളി എന്ന നാടകമാണ് സൂര്യലാലിന്‍റെ അഭിനയ മികവിന് പുതിയ തലം നല്‍കിയത്. 2013 ലെ ദേശീയ, അന്തര്‍ദേശീയ നാടക വേദികളില്‍ ശ്രദ്ധിയ്ക്കപെട്ട ഈ നാടത്തിലെ നായക വേഷം സൂര്യലാലിന്‍റെ അഭിനയ ജീവിതത്തിലെ വഴിത്തിരിവായി. മമ്മൂട്ടിയ്ക്കൊപ്പം അച്ഛാദിന്‍, വിനിത് ശ്രീനിവാസനൊപ്പം എബി തുടങ്ങിയ സിനിമകളില്‍ ചെറു വേഷങ്ങളിലൂടെ മലയാള സിനിമാ ലോകത്തേയ്ക്ക് കടന്ന ഈ താരം അണിയറയില്‍ ഒരുങ്ങുന്ന ക്യൂബന്‍ കോളനി എന്ന ചിത്രത്തില്‍ പോലിസ് വേഷത്തില്‍ അഭിനയിക്കുകയാണ്. അങ്കമാലി ഡയറീസിന് ശേഷം അങ്കമാലിയിലെ ജീവിതങ്ങളുടെ നേര്‍ ചിത്രങ്ങള്‍ വരച്ചുകാട്ടുന്ന സിനിമയാണ് ക്യൂബന്‍ കോളനി. നവാഗതനായ മനോജ് വര്‍ഗീസ് പാറേകാട്ടിലാണ് ചിത്രത്തിന്‍റെ സംവിധായകന്‍. .മംഗളം പത്രത്തിന്റെ റിപ്പോർട്ടറും ഇടുക്കിവിഷൻ ന്യൂസ് ചാനലിൽ പ്രോഗ്രാം ഡയറക്ടറുമായ സൂര്യലാൽ മഞ്ഞുപോലെ,മിന്നുന്നു,ദൈവനാദം ,അനർഘ നിമിഷം,ലവ് ആൻഡ് ലവ്,തുടങ്ങിയ ആൽബങ്ങളിലും,തണൽമരം,മനസ്‌റിയാതെ,ഈ തണലിൽ തുടങ്ങിയ ഹൃസ്വചിത്രങ്ങളിലും നിരവധി പരസ്യ ചിത്രങ്ങളിലും സൂര്യലാൽ അഭിനയിച്ചിട്ടുണ്ട്.ശിൽപി,വേഷങ്ങൾ,ആക്ട് നാടകവേദിയുടെ വിഷകല്ല് തുടങ്ങിയ നാടകങ്ങളിൽ പ്രധാന വേഷങ്ങൾ ചെയ്തിട്ടുണ്ട്.ചാനലുകളിൽ പ്രോഗാം അവതാരകനായും പ്രോഗ്രാം ഡയറക്ടറായും ഇപ്പോഴും സജീവമാണ്.സർക്കസ് തമ്പിലെ ജീവിത താളങ്ങൾ,റോമിങ് കോൽ,രക്തസാക്ഷി,മഴ തുടങ്ങിയ ഡോക്മെന്ററികൾക്ക് രചനയും സംവിധാനവും നിർവഹിച്ചിട്ടുണ്ട്.ജയറാം ഫാൻസ്‌ അസോസിയേഷൻ,ദർശന ഫിലിം സൊസൈറ്റി,ക്രൈസ്റ്റ് സ്റ്റഡി സെന്റർ,ഇൻഫന്റ് ജീസസ് സ്‌കൂൾ,ജെ.പി.എം കോളേജ് ,ഉപാസന കലാ സാംസ്‌കാരിക കേന്ദ്രം തുടങ്ങിയ സംഘടനകൾ പുരസ്കാരം നൽകി ആദരിച്ചിട്ടുണ്ട്.കെ.ആർ ഉത്തമൻ,അനിൽ കെ.ശിവറാം,എം.സി ബോബൻ,നരിപ്പറ്റ രാജു,ഷെയിസ് കട്ടപ്പന എന്നിവരാണ് ഈ രംഗത്തെ ഗുരുക്കൻമാർ.കട്ടപ്പന ഗവ.കോളജ് യൂണിയൻ ചെയർമാൻ,കോട്ടയം മഹാത്മാ ഗാന്ധി യൂണിവേഴ്സിറ്റി യൂണിയൻ എക്സിക്യൂട്ടീവ് അംഗം,കട്ടപ്പന പ്രസ്‌ക്ലബ് സെക്രട്ടറി എന്നീ നിലകളിൽ പ്രവര്‍ത്തിച്ചിട്ടുണ്ട്.നിലവിൽ ഫ്രണ്ട്സ് ഓഫ് കട്ടപ്പനയുടെ സെക്രട്ടറിയാണ്.
പ്രശസ്ത കവിയും സാഹിത്യകാരനുമായ കട്ടപ്പന പുളിമൂട്ടിൽ സുഗതൻ കരുവാറ്റയുടെയും പൊന്നമ്മയുടെയും മകനാണ്. ചാനൽ അവതാരകയും അധ്യാപികയുമായ ശ്യാമയാണ് ഭാര്യ.അഹാൻ സൂര്യ(രണ്ടര) ഏക മകനാണ്.ഫോൺ:9447823817
സൂര്യലാൽ കട്ടപ്പന
പുളിമൂട്ടിൽ
കട്ടപ്പന.പി.ഓ
കട്ടപ്പന
ഫോൺ:9447823817
പുളിമൂട്ടിൽ
കട്ടപ്പന.പി.ഓ
കട്ടപ്പന
ഫോൺ:9447823817
സിനിമാ ലോകത്തെ ഹൈറേഞ്ചിന്‍റെ സ്വന്തം താരം ഇനി ഹൈറേഞ്ച് വാര്‍ത്തയില്‍ സിനിമാ വിശേഷങ്ങള്‍ പങ്കുവെയ്ക്കുന്നു. ലൊക്കേഷന്‍ കാഴ്ചകള്‍, സിനിമാ റിവ്യൂസ്, താരങ്ങളുടെ വിശേഷങ്ങള്‍ തുടങ്ങി സിനിമാ ലോകത്തെ വിശേഷങ്ങളെല്ലാം ഇടുക്കിയുടെ ഈ സിനിമാക്കാരന്‍ ഇനി നമ്മോട് പങ്കുവെയ്ക്കും…
Reji Njallani Kattappana
Reji Njallani Kattappana
No comments:
Post a Comment